sesorah perpisahan basa jawa
Assalamu’alaikum. Wr. Wb.
Ingkang kinurmatan Kepala SMPN 4 Pemalang,
ingkang kinurmatan Bapak saha Ibu guru SMPN 4
Pemalang, saha kanca-kanca sedaya ingkang kula tresnani.
Sumangga kita sedaya ngaturaken puji syukur woten ngarsanipun
Gusti Ingkang Maha Agung ingkang sampun paring kanugrahan saengga kita saged
kempal wonten ing Adicara Perpisahan kelas 9 punika.
Para rawuh sedaya, kula minangka perwakilan saking
kelas 9 ngaturaken panuwun dhumateng bapak kaliyan ibu guru ingkang sampun
maringi ilmu saha budi pekerti ingkang sae. Saengga kita saged lulus ujian lan
dados pelajar ingkang sae. Kita murid – murid kelas 9 mboten saged mbales
amalipun bapak ibu guru, kita namung saged maringi doa supados bapak ibu guru
sehat walafiat.
Para rawuh sedaya, kita uga ngaturaken panuwun
dhumateng adik – adik kelas ingkang sampun maringi doa saengga kita saged lulus
kalihan biji ingkang sae. Kita uga nggadahi pangajeng – ajeng supados adik –
adik kelas 7 lan 8 saged manut kalihan bapak ibu guru saengga saged dados murid
ingkang pinter lan becik bebudinipun.
Para rawuh sedaya, kita kelas 9 ngaturaken agunging
pangaksami ingkang kathah mbok bilih wonten kiranging trapsila ingkang mboten
kersa dhumateng bapak ibu guru saha adik – adik kelas 7 lan 8.
Wasana cekap semanten atur kula, bilih wonten
klenta-klentunipun kula nyuwun agunging samodra pangaksami.
Wassalamua’laikum Wr. Wb.
Tidak ada komentar:
Posting Komentar